MANGAYUBAGYA ING PENTAS DRAMA HEKSADHIWA (ABRAKADABRA) 2024

Heksadhiwa asale saka tembung "heksa" ateges enem lan "dhiwa" ateges sandhiwara kang diwiwiti ing tahun 2017. Saben taun mesti ana pagelaran seni drama kanggo pungkasane pamulangan basa Jawa sing bakal dilakoni dening bocah-bocah kelas XII ing Aula Prawita Graha SMAN 6 Malang. Saliyane kuwi, saben taun uga ngangkat genre kang beda amarga genre drama ana 2, yaiku tradhisional lan modern. Heksadhiwa angkatan 2021 taun Iki ngangkat genre modern kanti tema "Mangayubagya Ing Pementasan Drama Heksadhiwa"

Ngangkat genre modern amarga drama ing tanah Jawa kerep nggunakake genre tradhisional ora liya kayata Lodrug lan Kethoprak. Dene genre modern iki jarang banget ana sing nganggo. Semana uga, genre modern iki ceritane luwih padet lan ora muluk-muluk bisa diarani kaya ftv. Dene kostum lan properti sing dienggo uga luwih ringkes saengga bocah-bocah bisa nganggo sandhangan sing ana ing omah kaya daster, sarung, kopyah, lan liya-liyane. Adicara Heksadhiwa diwiwiti tabuh 8 esuk nganti tabuh 4 sore. Sesi pemain diperang dadi 2 yaiku sesi kawitan 6 kelas lan sesi kaloro 4 kelas. Yen pamirsa saka kelas X lan XI uga diperang 3 sesi yaiku sesi kawitan 6 kelas, sesi kaloro 6 kelas, lan sesi katelu 8 kelas. Pergantian pamirsa iki digunakake amarga ngelingi yen aula ora bisa nampung akeh, saengga diperang supaya bisa gantian karo pamirsa liyane. (*fau)